陳奕迅（Eason）日前應邀率先參觀香港迪士尼樂園，他表示假若女兒長大後要求到迪士尼遊玩，他一定會抽空偕女友徐濠縈和女兒同遊，共敍天倫。
香港迪士尼樂園將於九月十二日開幕，但陳奕迅（Eason）卻可以先睹為快，日前他應邀參觀香港迪士尼樂園，花了接近四小時拍攝及參觀酒店的房間、酒廊、鋼琴形游泳池，以及如洛杉磯地圖般的花園，看得他心花怒放。
為香港驕傲
Eason表示如女兒長大後要求到迪士尼樂園，他一定會抽時間與女友徐濠縈和女兒一起去遊玩，屆時他計劃入住樂園內的迪士尼好萊塢酒店，所以他希望酒店可以舉辦音樂會，搞搞新意思。
Eason說：「我最欣賞花園內嘅米奇頭形坐椅，因為設計好特別，坐喺椅度休息，又可以欣賞埋園內嘅風景，我覺得幾享受，所以香港能夠興建迪士尼樂園，對香港嚟講係一件值得驕傲嘅事，因為可以有呢個世界知名嘅遊樂園，足見香港係一個重要嘅國際都市。」
珍藏童年照
Eason小時候曾到加州迪士尼樂園遊玩，他說：「我𠵱家重珍藏緊喺迪士尼樂園影嘅相，其中一張係我攞住一個米奇老鼠形嘅藍色氣球影嘅，我當時重買咗好多米奇老鼠T恤。」回憶起這些童年往事，他即顯得眉飛色舞。
