呂良偉夫婦、鍾鎮濤、王敏德、陳慧珊及任葆琳等，前晚到金鐘出席《強戰世界》首映禮，呂良偉透露將於下月到蘇州拍攝新劇《把酒問青天》，並會逗留個半月，女主角正是他的舊愛周海媚。
問呂良偉太太楊小娟會否介意丈夫與舊情人合作，她說：「唔介意，佢上一部劇有五個老婆五個靚女啦，拍過拖我都唔介意。」其後楊小娟對呂良偉說：「老公，佢哋問我你同海味拍劇介唔介意喎！」呂良偉即說：「係囉，有乜問題呢？」
揚言不蒲夜總會
提到有消息指不少男藝人在橫店拍劇期間會光顧夜總會，呂良偉說：「我好忙，拍完劇要返酒店學書法、畫畫同健身，我知啲人有佢哋嘅生活，好豪放好開心㗎，我拍完要休息，太太好放心，女人最緊要知老公喺邊，我二十四小時開住電話。」此外，前晚首映禮前播放優先場期間，戲院出動三十名保安查袋及暫收手機，散場時觀眾排隊認領手機，部份人不滿等候而鼓譟。
採訪：魯萍 攝影：陳慧安