股市早排交投淡靜，證券行惟有諗計搞吓活動，蘭西聽聞有某證券行，就幫上市公司搞路演，主要都係啲中型上市公司，去歐洲三國見基金經理，但行程就夠晒緊密，因為只得三日，所以都幾趕吓。 中型公司規模唔夠大，名氣又唔夠響，想要外資基金經理接見，單獨一間就機會微啲，夾埋幾間都勉強可以過關。當然若果最後能獲得外資基金經理垂青，攞番啲股份長揸，就一登龍門，身價十倍，都博得過。