交通銀行上市招股大受歡迎，董事長蔣超良好開心。佢同滙豐銀行合作嘅信用卡，保密工夫十足，尤其是卡面，好多時都要正式推出嘅一刻，外界先至知道。 不過交通銀行香港分行副總經理陳霞芳，噚日就畀咗一班行家一個小小嘅預告，就係嗰張卡嘅卡面，會有龍同有鯉魚，取其意頭鯉躍龍門咁話。有云，鯉躍龍門，身價十倍，相信張卡到時受歡迎程度，都會拍得住股票。