自從政府撤銷租管後，租樓畀人唔使再擔心收樓問題，加幾多租有彈性，市好時就加多啲；有啲租客覺得唔抵，索性轉租為買，以後都唔使怕俾人加租同迫遷。 中原余志昌話藍田滙景花園就有一單呢類成交，租客因單位就快約滿，業主加租近一成九，至九千五，左度右度，決定用二百八十九萬，買入十一座低層七百八十三呎單位。若以加租後嘅租金計，回報近四厘，換言之，樓價都算合理。