名門樓書一千蚊本

長實為宣傳大坑名門，過去一個月，淨係記者會都開咗十一個，高級營業經理黃思聰重親自帶隊，去德國睇廚櫃電器。噚日又搵齊四大代理，提供專車接送、直升機睇樓等服務。發展商自己都絞盡腦汁，樓書都分豪華版同平裝版，豪華版製作費每本一千蚊，買家先至有。
佢話過去幾日賣咗約一百間，前晚漏夜加推五十六個中低層，呎價一萬四千幾。美聯就話，有一個買家用億五買咗六伙。