名模陳嘉容昨日到旺角出席活動，她穿上肚兜上衣配超低腰牛仔褲，坐下時更露出股罅，相當性感。陳嘉容笑言穿得性感不怕被人眼望望，因自小生得高大已習慣別人行注目禮。陳嘉容還表示熱愛形象工作，像家人出席宴會時都會替他們化妝及襯衫，感覺好好玩。
名模陳嘉容昨日往旺角朗豪坊出席「豐澤數碼Mix&Match時尚大變身」活動，同場為一名得獎者改造形象。陳嘉容以肚兜上衣、超低腰牛仔褲及牛仔靴示人，坐下時露出股罅，性感誘人。
「夏天梗着得少」
問陳嘉容夏日炎炎穿得性感，怕不怕在街上被人眼望望？她說：「喺夏天梗係着得少布啲同性感啲㗎啦，我讀書時已經係全班最高嗰個，慣咗畀人望㗎啦。」她更表示十分熱愛做形象工作，陳嘉容說：「幫人扮靚自己都開心，改造一個冇style嘅人真係好有滿足感，好似我媽咪、家姐同細佬平時都着得好casual，佢哋要去飲時都會搵我幫佢哋襯衫同化妝，真係好好玩，我都有諗過唔做模特兒之後會做形象工作。」
出街一定帶相機
陳嘉容還表示近期對攝影十分發燒，她說：「我𠵱家出街一定帶住部相機喺身，最鍾意影人物同動物，唔覺唔覺影低嘅作品都有成四本相簿咁多。」至於近況，她透露正為即將推出的新書做後期工作，她說：「好似搵人寫序、傾sponsor同影輯新相咁，真係好唔得閒。」
採訪、攝影：KellyCheck
