澳門樓市旺，地產代理業競爭進一步白熱化，因為有上海背景嘅金豐易居，上個禮拜四啱啱開咗第一間澳門分行，喺新口岸，連後勤共十人，全部都係當地人。
金豐易居間分行做一及二手住宅、商舖同寫字樓買賣為主，預計年底前，分行增至三間，人手三十名。分行一開幕，嗱嗱聲做咗單大手買賣嚟賀吓，係海名居最後兩套複式，三十六樓C及D室，面積二千五同二千一呎，成交價一千一百六十萬同一千三百一十七萬，唔知有幾多佣呢。
香港人過大海，好快就會覺得濠江同香港冇乜分別，通街通巷都係香港品牌，代理有中原、美聯、利嘉閣同金豐易居，測量行有仲量聯行同第一太平戴維斯。
電郵地址：[email protected]