經紀陳月初曾經品題過上海銘源（233），當時隻股因為公布委任領導人位堂大佬做非執行董事，所以有大陸炒家伺機炒作，結果上海銘源由當時0.70元水平，升到家陣0.80元樓上，計落升幅都有18%，話多唔多話少唔少。
經紀陳話，江湖傳聞上海銘源仍未炒完，應該重有下文，例如中信資本日前就增持上海銘源至5％樓上，但除咗中信資本外，據聞重會有新策略股東加入，聽講重係祖國嘅重量級人馬。
上海銘源昨日升2.47％，收0.83元，成交股數587萬股，金額483.6萬元。
中國燃氣炒業績
另外，中國燃氣（384）剛於日前公布向兩名機構投資者發行可換股債券，並於7月8日公布全年業績。經紀陳話，傳聞中國燃氣業績相當靚仔，盈利增長升幅起碼有幾成，短線炒業績，有一定值博率。
中國燃氣昨日升4.51%，收1.39元，成交股數1500萬股，金額2053萬元。
慕容小初