胡杏兒昨日到銅鑼灣扶康會與一班智障人士製作愛心蛋糕，她表示近來仍未開始拍攝新劇，所以最近主要參與慈善活動。
怕着三點式蕩漾
現時無綫播出的劇集《情迷黑森林》快將結局，杏兒說：「𠵱家收視有三十點都好勁喇！如果結局有三十四點，我諗我哋會搞沙灘派對。」
至於會否穿三點式泳衣，杏兒說：「我又唔係未着過，我又冇拍纖體廣告，我又唔夠膽豐胸，我家姐身材好勁，但佢話跑嘅時候好蕩漾，好唔方便。」
另外，杏兒稍後開始拍攝新劇《亂世佳人》，其中一幕戲講述她險被強姦，問杏兒會否要求找緋聞男友陳鍵鋒合作？她說：「唔使啩？我可能搵訓練班嘅同事。」
採訪、攝影：馮美茵