新的政務司司長人選雖然人人都知，但就重未宣布。不過噚日就宣布咗許仕仁抽中隻新馬，會同唐英年一齊養。睇嚟馬會效率高過政府。今日最後一場馬，係補賽，之後就結束馬季，許仕仁亦暫時結束佢嘅馬會董事生涯，去做司長，幫煲呔打兩年後嘅選戰。
講開抽馬，除咗老許，其他皇仁仔亦好旺。有兩個皇仁校友團體中籤，一個係養緊隻「福友」嘅皇仁舊生賽馬團體，另一個就係皇仁飛駒團體。世界輪流轉，皇仁仔蟄伏幾年又出動。
政界之中，夏佳理、張宇人、李鵬飛、丁午壽都喺新馬主名單之內。唐唐媽咪唐尤淑圻則在候補之列，今次多咗一成七人申請，冇法子啦。
爆料熱線：29290000、27860099
報料傳真：26239278
報料電郵：[email protected]