原本擔任可口可樂代言人嘅謝霆鋒，近日正式轉做百事可樂嘅代言人，佢噚日喺尖沙嘴出席百事「Revival@Pepsi」記者會，個廣告以「重生」為主題，原意係話霆鋒倒戈，不過馮仁昭就覺得似話霆鋒由谷底博反彈嘅意思多啲。
霆鋒之前做可口可樂代言人時，成日罐不離手，噚日幫百事宣傳時，反而就冇咁hardsell。有記者問霆鋒𠵱家流緊紅色嘅血定係藍色嘅血，佢話：「血不嬲都係紅色，（藍色嘅血）呢個係Aaron（郭富城）嘅講法，每個人表達唔同，血係咁嘅顏色。」
鍾意林嘉欣
另外，有報道話霆鋒聽到舊愛王菲再婚嘅消息後抱頭痛哭，霆鋒話：「過去咁多個月都唔答呢個問題，今日都唔會破例。」另外霆鋒早前接受訪問時，曾大讚林嘉欣係佢夢中情人，霆鋒話：「我幾鍾意呢個女仔，佢好乖，好有禮貌，做嘢準時。」
