想不到楊千嬅的母親成為了追星族，早前楊母看完韓國型男阿Rain演出的《浪漫滿屋》後，竟然成為他的超級fans，阿Rain下周訪港，千嬅擔心母親會與其他fans湧到機場接機。
楊千嬅、古巨基、盧巧音、關心妍和方力申昨日在尖沙嘴香格里拉酒店出席無綫節目《明愛暖萬心》記者會，該節目會於下周六在無綫將軍澳電視廣播城舉行，屆時眾歌手會參加演出。
怕記者影到
無綫早前播映由韓國型男阿Rain和靚女宋慧喬主演的韓劇《浪漫滿屋》，楊千嬅大爆母親每星期均有追看，更成了阿Rain的fans。千嬅笑說：「媽咪簡直係阿Rain嘅超級fans，佢話睇《浪漫滿屋》有戀愛嘅感覺，我媽咪咁鬼鍾意阿Rain，我真係好驚佢跟埋啲師奶fans做追星一族，因為阿Rain下星期會嚟香港，如果媽咪啲師奶朋友叫佢去機場接機，又或者學啲妹妹仔fans咁追車，一個唔好彩俾記者影到阿媽張相就唔好。」
基仔讚栢芝
另外，古巨基在《明愛暖萬心》中會與李克勤一起壓軸表演，基仔說：「我覺得同克勤一齊同台演出，對歌迷嚟講應該會有新鮮感。」
基仔稍後會夥拍張栢芝演出中國星的賀歲片，問他會否擔心與栢芝傳出緋聞？他笑說：「我同栢芝一早都識，唔會到𠵱家先去傳緋聞，栢芝係一個好率直、有演戲天份嘅演員，我幾欣賞佢。」
採訪、攝影：卓寶花
