地產代理行今年間間大豐收，為咗獎勵後勤員工，中記、美記兩大集團，各自向後勤員工發放花紅，中記子公司利嘉閣，重派成五個月㖭。 另一代理世紀21，雖然冇聽到話派花紅，但老細都識做，趁市況較靜，包團請後勤員工，坐國泰航空去台灣玩三日，七月一號出發，一行二十人，由老細吳啟民帶隊，估計每人費用二千幾。