在外國看電影，入場不設劃位，座位先到先得，所以當碰上一些賣座大片時，觀眾可能早一個小時便已安坐戲院內，邊吃爆穀邊等開場。
除了看電影預告，看廣告也是節目之一。生意人很着重這群入場看電影的消費者，因為他們肯定是有要求、肯付鈔的一群，於是生意人斥巨資製作了一些專門在電影院放映的廣告，或用大堆頭、大明星，或用調皮幽默的手法，務求觀眾在大銀幕上看見產品的大特寫時怦然心動，看完電影立即到店舖信用卡一刷，將產品捧回家。
香港的「FANCL」是戲院廣告的能手，清新的畫面加上層出不窮的新點子：「瞓醒覺瘦咗呀，瘦咗呀」、「先打散，後消脂」、「激白＋激淡斑」及「睇得到新鮮，聽得到新鮮」，產品形象鮮明，愛美的俏姐兒對號入座。科技「」產品也善用這媒介，Canon數碼相機，0.8秒啟動，在街上見到任何靚女也不會影唔切，睇完好想即刻買番部，睇吓啲靚女重點飛得出我鏡頭嘅手指罅。
水能載舟，亦能覆舟，既然能夠看到無限美，也能看到無限醜，電影銀幕是一個最能看到瑕疵的地方，請各位放片大俠善待膠片，嘩，很多時候銀幕上看到的廣告又花片、又污糟、又水迹又剩，睇完唔單止唔想幫襯，簡直有點倒胃口，無疑是替客戶們大倒米。順便講句，電影預告片也是重要財產，那天在德福UA戲院內看到《龍咁威2》的預告片傷痕纍纍，一條大花痕頂天立地差點劏開膠片，心都實晒，懇請各位放片大俠輕手啲，錫住放，如果唔係，招徠客人分分鐘變成趕客，喊都無謂。