現年二十一歲嘅日本女星平山綾，前日以性感水着look現身六本木太子酒店，宣傳佢首套擔正嘅夏季新劇《HARUKA17》。工作人員為咗配合套劇嘅氣氛，下令阿綾喺記者面前唔准笑，不過阿綾就話自己好怕醜，所以都係忍唔住笑咗出嚟。而套劇係由日本同名漫畫改編，阿綾扮演二十二歲嘅女仔，為咗加入藝能界而報稱自己十七歲。