特區新時代果然有啲新氣象，好似房地產，因應地產商話勾唔到地、大放樓市供應斷層言論，地政局馬上推出「孫十招」，就係接納市價八折嘅勾地價，不過賣價就要跟番正價，以在方便勾地同不賤賣地皮之間取得平衡。呢個措施推出冇耐，但已見劉勵超出嚟解釋，噚日又到孫明揚。
孫公宴請全港傳媒，目的就係解釋勾地新機制，佢話用「八折」去形容係形象化啲，但就令人有平賣感覺，其實政府係唔會平賣。至於政府連萬一出現嘅情況都講埋，唔係冇信心，而係公務員特性。所以佢話自己都要學習做推銷員，有時要識避重就輕。
另外一項焦點內購指引，八方聽聞政府態度係先睇地產商自唔自律；唔自律又點，咁就要睇吓先知。
傳真︰2623-9278
電郵︰[email protected]