由中原集團主席施永青（圖）私人投資創辦嘅免費報紙，噚日終於公布命名，叫做《am730》，今年第四季初會有得睇。
聽落咁似電台頻道嘅？施老闆話，呢個名即係晨早七點半咁解，代表朝早太陽升起，睇到光明，係有希望嘅意思；報紙主攻年輕人，「攞住份日報老土，攞住份《am730》潮啲。」
《am730》派發地點未定，𠵱家同大學及九鐵傾緊，計劃星期一至五每日派十幾萬份。
施老闆首輪會攞五千萬出嚟，希望一年內回本，否則會再攞多五千萬，如果仍然蝕，第二個五千萬就會留番部份做遣散費。佢強調，報紙唔會做中原喉舌，亦唔一定有中原廣告，皆因廣告費貴，中原、美聯未必落得起。
講到報紙立場，佢就話：「我唔知乜嘢叫中立，獨立就會做到。」
傳真︰2623-9278
電郵︰[email protected]