陳奕迅（Eason）、鄧麗欣（Stephy）、吳日言及劉浩龍等人昨日在將軍澳新都城出席「秘密天使助老計劃」，席間Eason勸喻記者不要再去騷擾他的外婆，因為他擔心婆婆的地址曝光後，可能會遭人勒索或打劫，危害老人家的安全。
陳奕迅昨日以「秘密天使大使」身份出席活動，並帶領長者及小孩做健身操。以往曾有記者到Eason外婆家採訪，Eason指近日已經再沒有同樣事情發生，他笑言：「我諗住裝一個平安鑼掛喺阿婆屋企門口，等阿婆見到記者騷擾佢時，就大大力咁敲。」Eason透露曾提議婆婆搬屋，但遭到拒絕，他說：「我諗住叫佢搬去有看更嘅大樓度住，但係老人家住慣一個地方，咁多年都唔肯搬。」Eason指最擔心婆婆的住址曝光後，可能會招致勒索、打劫等事情發生。
Stephy祖母逝世
Eason又透露日前遭記者不停拍照，令他十分生氣，他說：「我去便利店買嘢飲，佢都不停影，都唔知有乜好影。」當記者笑言對方可能想知他是否到便利店買安全套時，Eason笑說：「買避孕套都好正常啫，生完一個避一避先，咁有乜好寫呀，同埋我花咗好多時間去記低晒啲狗仔隊車牌㗎啦。」
而Stephy則透露上星期接到鄉下祖母去世的消息，她說：「因為我父母分開咗，我都有十年冇見過阿嫲。」不過Stephy因有工作在身，所以沒有出席祖母的喪禮。
祖兒欣賞阿Rain
此外，Eason前晚與容祖兒在中環出席「冠軍人馬冠軍show」，Eason表示雖然不好賭，但也很想成為馬會會員，享受馬會的設施；祖兒則表示自己是韓國男歌手Rain的擁躉，曾在北京欣賞對方的演出，她說：「我都鍾意呢類型男仔，單眼皮又懶cute咁，我又想去韓國學跳舞，跳到好似佢咁叻。」
採訪：胡比、李珮洳 攝影：陳慧安、林德雄
