莫文蔚（Karen）前晚在尖沙嘴星光大道主持「2005香港購物節」電視宣傳片啟播儀式，身為購物大使的Karen表示自己是一個精明消費者，她說：「我多數喺大減價先會買嘢，而且專揀啲會興一世嘅嘢嚟買，好似我今日着嘅褲，喺九六、九七年買嘅，𠵱家重着得。媽咪都係精明嘅消費者，有時我都會攞媽咪啲衫嚟着。」問Karen對於感情是否像穿衣一樣長情，她說：「係……係咁啦，費事煩吖嘛！」
由媽咪理財
除此之外，Karen表示多數在香港購物，她說：「我冇時間去歐洲掃貨，況且計埋機票、酒店都唔化算，再講𠵱家歐羅咁貴。」
問Karen如此慳家是否已成為千萬富婆，她說：「我只識賺錢唔識使錢，啲錢交晒畀媽咪投資，所以我冇乜錢。」