古巨基前晚在觀塘舉行影相會，他特別穿上一套機動戰士服飾到場，與歌迷一起站在巨型的高達手臂上合照，令商場內的人流高達十萬人，而圍觀的人有逾二千人，其間一名二十多歲的少女因人多擠迫被焗暈，要送院治理。
古巨基前晚在觀塘apm商場舉行「古巨基勁歌金曲影相會」，基仔除將其演唱會舞台服及高達手臂擺放在商場展覽外，又特別穿上演唱會其中一套機動戰士服到場，與一千名歌迷在高達手臂上合照，影足三小時，吸引逾二千名市民塞滿商場各層，商場發言人還表示影相會開始前半小時，商場人流已達十萬人。
「巨肌唔怕騷」
當基仔出場時，全場歌迷即同聲歡呼，基仔亦表現興奮，每次有小朋友上前合照時，便攬實對方；一名七十三歲的翁婆婆，還要求與基仔手拖手合照。影相會進行至約十時，一名二十多歲的女歌迷突感不適暈倒，大會急召救傷車到場，基仔見狀即暫停影相上前慰問，該女fans迷糊間表示不願往醫院，因她未與基仔合照，但最終還是在基仔勸說下送院治理。
事後基仔說：「我諗當時人多空氣唔流通，個女歌迷身子弱啲咪唔舒服囉，我哋有同事問過，佢已經冇乜嘢，希望啲歌迷注意自己健康情況，有乜唔妥搵個地方唞吓氣。」基仔近日忙於走埠演出，問他有否以個唱中的seethrough短褲造型示人？基仔無厘頭地說：「揚威巨基，巨肌唔怕騷？」而基仔的舞台服裝展覽將由一星期延長至兩星期。
賺錢即儲起
此外，基仔所屬的金牌唱片陳小姐表示，他日前推出的《勁歌金曲演唱會》影碟已有雙白金銷量，加上基仔近日又接拍日本護膚品廣告，酬勞高達七位數字，可謂豬籠入水。基仔昨在時代廣場出席護膚品記者會兼開幕剪綵時，吸引逾百名歌迷圍着商舖門口，問到賺大錢會否買樓？基仔說：「我啲錢會儲起佢，唔會亂用。今次影相會當係演唱會一個總結。」
採訪：王連連
攝影：陳偉權
