電影《龍咁威2》演員鄭中基、張達明、Miki及導演谷德昭等，昨日在新寶戲院舉行分享會，大玩遊戲及送戲飛。對於拍戲時不斷整蠱張達明及李璨琛，鄭中基說：「達明同阿琛成日瞓，試過達明瞓緊，我用化妝品油佢啲牙，變成煙屎牙；又試過趁佢瞓緊時，用粗膠紙將佢貼住張沙灘傘。而阿琛俾我貼佢喺地下，又用青豆塞住佢個鼻。所以我喺片場好少瞓，怕佢哋報仇。」
不過Miki則幸免於難，她說：「我喺片場都唔瞓，我不時搣自己，又食嘢保持精神。我見到整蠱情況，就負責影相。」此外，張達明原本打算在七月中舉行《鬚根show》，由於他與吳鎮宇也未能抽空，預計會因此蝕五十萬元籌備費。
採訪：王連連 攝影：陳慧安