賭王何鴻燊昨日與隊友梁兼紹往大坑中華游樂會出席港澳元老網球友誼賽，出戰澳門文員網球會會長隊，昨日球賽開始不久即下雨，但波癮大的賭王堅持移進室內場館繼續比賽，結果賭王那隊獲勝，賭王賽後說：「對方敬老啫，不過今日打得好輕鬆，都冇打到盡。」
唔驚十姑娘
提到十姑娘何婉琪在報章刊登聲明一事，賭王說：「官司實打，咁多場佢都輸嘅，我run咗澳娛四十幾年都唔見有問題，個個股東都咁開心，唔爭在佢呢一個，股東大會會照開。」問他明天股東大會怕不怕有人搞小動作？賭王說：「夠晒保安㗎啦，冇得癲，章程寫得好清楚，唔係股東嘅，再嚟都要out。」
另外，有指三姨太陳婉珍和四姨太梁安琪入澳娛董事局，引來其他股東不滿，賭王說：「多一個入嚟都係支持我啫。」
採訪、攝影：RitaLeung