上周五美股唔妥，港股今日開市好難有運行。不過，正如上周四美股散落去，周五港股早跌晚升，市底惡。港股今早若下跌，係買貨之時機，喺低位買C輪有錢搵，未係喺高位追C輪嘅時候。
國壽C輪3794：國壽（2628）上周五跌1格，啲C輪因為槓桿率大，輪價都跌得幾急。國壽收5.30元，估計會再稍為進一步軟順，可以趁低買C輪博反彈。
國壽C輪贏輸最快見功嘅係3794，下月18日到期，輪價31仙，溢價0.2%，槓桿率17.1倍（有效亦係），唔使理引伸波幅。隻輪下月12日最後買賣，嫌太近期，則揀4843，10月尾夠鐘，輪價43仙，溢價4%，槓桿率12.3倍（有效8.5倍），引伸波幅21.8%。畀太高溢價，則唔係太化算。
恒指C輪3900：恒指如果跌得咁上下，買恒指C輪博反彈，揀3900，8月尾夠鐘，輪價17.2仙，溢價1.2%，槓桿率23.6倍（有效17.2倍），引伸波幅13.5%。
如果唔嫌買賣較疏，3921可以諗吓，數據靚，亦係8月尾到期，輪價15.1仙，溢價0.9%，槓桿率18.9倍（有效15.1倍），引伸波幅13.7%。
章盛