已故影星林正英做嘅《殭屍先生》，當年係一齣叫好叫座嘅電影，最近洲立公司會為呢齣戲推出數碼修復版嘅DVD，有份做呢部戲嘅錢小豪（左二）噚日同太太丘倩鳴及細仔喺銅鑼灣一間影音店一齊出席宣傳活動。小豪話：「當年部戲收成二千幾萬，今日再睇都冇過時，依然係我最鍾意嘅電影之一。」小豪又話遲啲會拍張之亮嘅《墨子攻略》，部戲劉德華都有份。