【本報訊】新界東醫院聯網化驗室的數字顯示，每兩星期約有二百名病人因呼吸系統疾病入院，患者大部份是兒童，個案較去年同期增加一倍。化驗結果證實，他們多是患甲型流感。中大微生物學系助理教授陳基湘表示，本港出現近五年來未有過的異常流感潮，情況不尋常。
七、八月另一高峯期
陳基湘指，流感高峯期一般在三月份出現，持續約一個月，但今年三月份發生的流感個案不多，高峯期延遲到上月初才出現，持續近兩月仍未結束，「病毒本身有少少變異，第二可能係環境因素……規律有少少改變，相信今年疫苗對病毒唔係完全脗合得到，所以個案會多咗啲。」他又稱，未來七、八月也是流感的另一個高峯期，預計入院人數會持續增加。
兒科醫生謝鴻興表示，過去數月兒童因肺炎，經私家醫生轉介住院的個案增加，「有啲係流行性感冒嘅併發症，有啲係呼吸細胞病毒嘅併發症，我見到亦都有啲係衣原體病原引起嘅肺炎。」他呼籲家長若發現小朋友有流感病徵，要盡快帶他們去看醫生。