名媛榮雪梅、趙式芝及告東尼子女Sean與Antonia等，前晚在中環出席日本珍珠品牌Mikimoto旗艦店一周年慶祝酒會。榮雪梅穿粉黃低胸裝到場，她鍾情一條原價六萬一千八百元的珍珠頸鏈，並戴上讓記者拍照，大會亦主動打折扣，減收五千多元，她本已拿出信用卡簽帳，但未知是否首飾已戴上曝光，她最終另購一條價值三十三萬的珍珠頸鏈。
榮雪梅說：「我好鍾意珍珠，有五、六條頸鏈，因為清清地易襯衫，通常珠寶都係自己買，老公有畀附屬卡我簽，但我冇用，咁貴嘅唔想佢有咁大壓力，我賺錢易啲，自己買又唔使問准佢。不過佢送乜嘢都唔緊要，最緊要我哋一齊開心。」
趙式芝關心Terri
此外，趙式芝被問到TerriHolladay發聲明宣布分手一事時，一臉不知情地說：「我未搵佢，希望佢冇事，快啲開心啲，我諗佢發得聲明都係諗清楚，我同佢平時都有傾偈，應該唔會係有第三者。」
採訪：DebbieLum 攝影：ChenWaiOn