東亞副行政總裁兼中大校友彭玉榮早前喺一個討論中大國際化研討會，用「永不錄用黑名單」威嚇中大生一事餘波未了，事件重演變成年輕一輩同年長一輩校友嘅內訌。噚日中大評議會舉行會員大會，○○年畢業生黃世澤參加常委選舉，有校友講聽過佢話評議會係「黑箱作業」，問佢點解重要參選。黃世澤就話：「評議會的確喺中大國際化嘅問題上黑箱作業……」做咗十幾年常委嘅汪長智即刻怒髮衝冠：「邊個話評議會係黑箱作業？直頭係侮辱！」之後佢喺會上呼籲啲校友「唔好講發洩性說話」。另一校友葉國洪亦都反擊，話彭玉榮同中大生起爭執，事後都有道歉，啲學生反而冇，「唔好似紅衞兵咁，『造反有理』！」雖然有啲年輕校友支持黃世澤，但佢得罪咗佔大多數嘅前輩，最後梗係落選啦。
爆料熱線：29290000、27860099
報料傳真：26239278
報料電郵：[email protected]