楊千嬅前晚與劉德華及張穎康於九展演出《綠蘋果正能量少年團2004－05年度嘉許禮》，華仔卸任少年團團長身份，由千嬅接任，二人還有交接蘋果儀式。
力撐鄭中基
千嬅剛自美國返港，她表示甫落機即致電黃柏高詢問鄭中基主演的《龍咁威2之皇母娘娘呢？》反應如何，至於有觀眾指該片粗俗，她說：「我一定會支持套戲，觀眾角度人人唔同，我未睇唔方便評論，因為係喜劇，當笑話睇開心吓囉。」
此外，日前有報道指鄭中基為了避免與緋聞女友蔡卓妍同場，以及避免穿上由前女友千嬅設計的大會T恤而避席《太陽計劃》，對此千嬅昨日於港台出席活動時表示：「年年啲大會T恤都預咗俾人剪㗎啦，如果佢鍾意可以喺入面加件樽領㗎，但係我唔信鄭中基會好似段報道咁講囉，如果佢真係要做宣傳就冇辦法啦。」
採訪：王連連 攝影：仇志德