劉德華自資的新片《再說一次我愛你》於昨日試造型，四十三歲的華仔片中一人分演醫生及髮型師兩角，而他除與楊采妮初結片緣外，更與比他年輕二十一歲的蔡卓妍(阿Sa)飾演夫婦，展開一段忘年生死戀。
劉德華昨日在觀塘為其自資愛情片《再說一次我愛你》試造型，兩位女角楊采妮和蔡卓妍均有出席。今次華仔在片中一人分飾兩角，分別扮演醫生及髮型師，故事講述華仔的妻子阿Sa意外死亡，身為醫生的華仔遂將阿Sa的心臟移植給楊采妮，其後與她譜出戀曲，再迎第二春。片中華仔扮演醫生卻無力救妻，他昨日有感而發地表示就像近年身邊朋友如梅艷芳被病魔纏身一樣，醫生只稱要等待奇迹，但奇迹卻終歸沒有出現。
斥資達二千萬
四十三歲的華仔於片中與比他年輕二十一歲的阿Sa飾演夫婦，上演一場忘年生死戀，對此華仔笑說：「我覺得外形好襯，年紀唔係問題，兩個女主角都係導演搵嘅，我都有參與劇本，近呢十年我都冇拍過愛情片，都想拍番呢啲戲，但呢啲戲其他公司唔會投資，除咗自己之外。」這次華仔投資新片斥資約二千萬，但未計算其片酬在內。
問華仔與兩位女角有否親熱戲？他笑稱：「梗係有啦，唔係咁講你哋都唔會寫。」對於阿Sa揚言與華仔這位偶像合作感到緊張，他打趣說：「佢都係我偶像，都要溝通吓，多啲約出嚟食飯，或者陪下我打保齡球，畀多啲記者寫吓，做吓宣傳。」
阿Sa對首次與華仔合演夫婦則說：「好開心呀，華仔算係我嘅偶像，我一直都有睇華仔嘅戲，尤其係《天若有情》，當年我都好羨慕吳倩蓮，但一做就做佢老婆急進咗啲，先做下鄰居、朋友會好啲，慢慢嚟吖嘛，覺得好急呀。」話雖如此，但阿Sa在訪問期間卻頻說：「華仔喺套戲入面好愛我！老公嚟㗎，我哋好甜蜜㗎！」
提到與華仔年齡有大距離，阿Sa則說：「唔覺呀，我之前都做過人哋太太嘅角色，今次又冇要求特別扮成熟，做番自己就ＯＫ啦，相信冇問題。」
曾任ＭＶ女角
同樣在片中飾演華仔妻子、現年三十一歲的楊采妮表示多年前曾為華仔《情是那麼笨》ＭＶ擔任女角，至今才與他正式結片緣，她說：「我覺得華仔好有勇氣，係講得出做得到嘅人，我對佢演戲同做生意都好敬佩。」
此外，昨日有內地報道指華仔已辭演馮小剛執導新片《夜宴》，接拍另一改編漫畫的內地古裝片《墨子攻略》，而此片將於九月開拍。
採訪：胡比
攝影：何國豪
