譚詠麟（阿倫）前晚到港台出席活動，大展他語無「倫」次的搞笑本領，他露出右手臂瘀痕，但開玩笑謂此乃與王菲愛的紋身，之後又叫已長大的小朋友重新捐進徐小鳳的波波裙裏。
譚詠麟前晚與羅嘉良、陳文媛及吳浩康等到香港電台祝賀曾華倩與李力持的節目《你真超人》一周年後，阿倫昨日一早又與黃日華、羅家英及張兆輝等明星足球隊成員，出發到北京參與《京港明星市民運動會》，與中國明星足球隊進行友誼賽。
「我同阿菲一對」
阿姐汪明荃還千叮萬囑正在康復的家英哥不要勉強落場踢波，家英哥說：「佢叫我係咁意影吓相就走，如果到時同啲後生仔踢，我踢一分鐘就會走。」
阿倫前晚甫到場即掀起衣袖，只見其右手臂有一大塊瘀痕，他嬉皮笑臉的說：「呢個係雙飛蝴蝶圖案，我同阿菲一對嘅，睇真啲入面有千言萬語，有對聯㗎，我祝佢哋白頭到老，光頭到老，同白髮齊眉。」後來阿倫才指瘀痕其實是踢波時撞傷。
組團煩曾蔭權
提到徐小鳳收身腰圍激瘦，阿倫說：「條腰咁細咁厲害，有機會我都要去睇佢演唱會，咁殿堂級歌手喎，想睇吓佢條波波裙，最好叫番以前喺波波裙走出嚟嘅小朋友，𠵱家大個咗一齊捐返入去，都幾好睇㗎。」
當話題轉到曾蔭權上任特首，阿倫說：「我送句說話畀佢，就係任重道遠，佢一向畀人感覺係舊英國政府遺留落嚟嘅官員，肯用佢，即係反映中國領導層開明嘅做法，我對佢有信心，遲吓同演藝界組團去煩吓佢先得，韓國政府大力支持電視電影，希望香港都可以重建東方荷李活嘅美譽。」
採訪：李珮洳、張俊銘
攝影：葉君海、張俊銘
