魚缸噚日好似天氣一樣，紅雨之後就是晴天。雖然美股大跌166點，但港股早段下試14100後反彈，恒指收14230，倒升39點，成交203億元，睇落市底真喺好強。
大市能夠企穩，主要是滙控（005）跌至126元便見強大承接力，抽回127元收市，冇起跌。此外，地產股與中移動（941）造好亦支持大市反彈。滙控似擺脫末日輪的纏擾，近日展現強勢，似欲追回先前的落後，下周期指結算，相信滙控會成為大戶的主要戰場。
中遠控股（1919）認購反應差，唔知同今個星期天氣唔好有冇關係？中遠控股延長1日至昨日截止認購，點知遇着紅雨，真係人算不如天算。原本阿虎都諗住入票冷敲中遠控股，但最終因為紅雨而無入票。
黑客話，中遠控股反應差，早在預料之內，但就無諗到中遠控股魏家福的運費上調言論，竟惹來保薦人滙證的不滿，最後搞到中遠控股發聲明，澄清有關言論只屬魏家福個人見解，不代表公司見解。市傳今次事件令到上市公司與保薦人關係搞得好僵。
阿虎心諗，如果事件屬實，唔知會否影響到上市後中遠控股的表現呢？噚日嗰場紅雨可能幫咗阿虎。
中油否認私有化
中油（135）香港再傳私有化，但公司好快就否認，股價升至1.28元就行人止步，收報1.26元，升4.13%。
阿虎