時興「認識祖國」，除咗公民教育委員會大力弘揚祖國文化，漢榮書局都特登印製一套十二冊嘅《中國全方位透視叢書》，包括民族、政治、外交、國防、教育等，窺探中國各方面發展，希望藉此加強年輕一代對國民身份嘅認同，培養理想同責任感。今年高考同會考考獲B或者A嘅學生都可以憑成績單去漢榮換書，高考攞四個A或會考攞七個A嘅學生，重可以得到成套。呢套書市面上暫時冇得賣，只可以喺學校或者公共圖書館借到，睇完重可以參加閱讀報告大賽，獎品係到北京親身體驗祖國精神。
漢榮書局噚日請到外交部駐港特派員楊文昌、中聯辦副主任周俊明、同立法會主席范徐麗泰等出席儀式，喺套書上面簽名，派畀現場人士。
傳真︰2623-9278
電郵︰[email protected]