以言論出位而廣為人知嘅港交所董事、人稱「股壇長毛」嘅DavidWebb日前發表文章，話滙豐嘅強積金收費相對過高，搞到打工仔做牛做馬，最後都攞唔到應得嘅保障。噚日八方咁啱喺一個積金局活動見到滙豐保險行政總裁蔡中虎（圖），當然要捉住佢問吓啦。
蔡生一聽到八方提起DavidWebb，首先面色一沉，然後就同八方講，大衞咁寫主要係佢搞錯咗，但係佢哋唔會主動同佢解釋番呢件事，點解唔解釋番？蔡生就冇講到。之後，蔡生以免八方再追問落去，好快咁再答咗幾個問題後，就話個活動要開始而行開。
除咗蔡生，噚日積金局嘅人又走出嚟撐滙豐，話由於強積金服務供應商要處理定期供款，使費一定大過普通基金，所以係唔可以直接比較咁話喎！唔知大家又點睇呢？
傳真︰2623-9278
電郵︰[email protected]