噚日紅色暴雨，唔少地方水浸，連中環都受影響，交易廣場內港交所嘅交易大堂竟然樓頂漏水，滴落四個櫃位，但好彩冇影響到機件同交易運作，香港重話係金融中心，唉！聽講今次係多年來首次出現咁嘅情況，係樓頂排水設施頂唔住啲豪雨。不過咁又難怪，交易大堂話晒有近二十年樓齡。 反而新簇簇嘅中環中心，出現漏水同滲水情況，就比較難理解。聽講影響到一樓部份商戶冇得做生意。