黎明早前以聯合國兒童基金親善大使身份遠赴位於東南亞的東帝汶，探訪當地貧困兒童，感受當地惡劣的居住環境，黎明更身體力行，挽水走山路，令他十分感慨。
早前黎明跟隨聯合國兒童基金會遠赴東帝汶作親善探訪，六日的探訪行程中，黎明目睹當地兒童的苦況，加上親身感受當地惡劣的環境，令他感觸良多，黎明說：「因為食水供應有限，所以當地每日都會限時供水，但就唔知幾時會停水，我嘅化妝師就試過沖沖下涼冇水，我算好彩，嗰日咁啱早咗去沖，否則真係好狼狽。」
乏潔淨食水
對於當地約半數居民未能飲用潔淨安全的食水，兒童更要每日走過陡峭的山坡盛水回家，黎明說：「我就親身感受攞水桶行走曲折山路，感覺的確唔好受。」
其中黎明探訪一個十二歲兒童祖夫奧時，得悉對方六年前於戰亂逃亡時，因發燒未能及時醫治，導致腦部受損，失去語言能力及引致終身殘障。由於祖夫奧的母親年紀老邁加上身體虛弱，每日只可以將兒子推到門外草地活動，黎明在探訪期間就推祖夫奧到河邊曬太陽，令他十分開心。
懂控制輪椅
黎明說：「因為拍戲試過推輪椅，所以知道點樣控制同埋唔會令坐喺上面嘅人辛苦。所以我行山路時，將輪椅反方向咁拉，咁佢就唔會受驚。」
