時間過得好快，地球之友總幹事吳方笑薇噚日同八方講，佢已經做咗十二年總幹事，都係時候退落嚟，諗住半年後就會離任。但佢話今次退唔係放棄環保，只係「換兵法、換戰場，繼續打呢場仗。」佢回顧本港環保發展，話唔同時代政府有唔同政策。前港督彭定康係「蜘蛛」政策，福利經濟樣樣都搞，但排污工程就爛尾。前任特首董建華係「螢火蟲」政制，有求必亮，都算肯聽環保人士意見。𠵱家嘅新特首曾蔭權就係「四腳蛇」政策，識得「甩尾」自保，之前環保團體都冇機會同佢交手。
吳太重話喎，日後諗住去陝西省搞「向日葵」計劃，培訓村民搞化糞池，希望從內地入手，推動環保。
傳真︰2623-9278
電郵︰[email protected]