林曉峰（圖）同錢嘉樂周日會喺沙田馬場主持「馬場無敵獎門人」，林曉峰話：「今次因為獎門人曾志偉有事，呢個騷係佢幫我同嘉樂接，酬勞都好滿意，其實我哋一路都有接騷賺外快，獎門人就係我哋阿爸，今次係老竇搵機會就仔享福。」另外，《繼續無敵獎門人》七月一日會錄影最後一集，錢嘉樂話大家傾過短期內唔會再做喎。