唐英年點解人緣咁好？當然同佢識做同抵得諗有關。好似噚日新界社團聯會喺荃灣某間酒樓舉行二十周年晚宴，唐唐都無懼山長水遠、橫風橫雨，親自去到恭賀一番，呢一份誠意，就已經𠱁到聯會會長張學明笑到見牙唔見眼。
香港迪士尼開幕在即，唔少小朋友已經恨去恨到流口水。身為多仔公嘅唐唐，被問到會唔會帶埋四仔女去迪士尼一遊時，就話遲啲都會啩。專家教落，對住仔女絕對唔可以講大話，唐唐呢張期票，一定要搵個時間兌現先得。
話時話，唐英年個署理特首做埋今日就正式告一段落，因為煲呔今朝一早就喺北京人民大會堂正式接受任命書，俟晚就飛返香港，名正言順做特區新的特首。
傳真︰2623-9278
電郵︰[email protected]