繼古天樂做咗百事可樂廣告代言人後，最近聽聞百事又搵咗謝霆鋒拍廣告，以前霆鋒係可口可樂廣告代言人，佢都好鬼賣力㗎！無論上法庭定同王菲去街，佢都會手執一罐可口可樂畀傳媒影吓相。哈！又諗唔到佢嘅可口可樂形象咁鮮明，反而引起咗百事嘅興趣。
最高機密？
早排百事搵咗F4同古仔拍最新一輯廣告片，個廣告內容係講由F4飾演嘅冰藍四杰要拯救扮演聖者嘅古仔，F4重會潛入赤燄煉獄，再同古仔聯手感化大敵烈火鷹鷲。原來鷹鷲呢個角色搵咗謝霆鋒客串，雖然佢哋視呢個為最高機密，所有參與拍攝呢個廣告嘅台前幕後都要簽保密協議，但噚日百事發嘅黑白幻影相就俾人認出係霆鋒，真係夠耐人尋味。