上圍豐滿的王從希近日加入纖體行列，經過纖體後她由一百二十五磅減到一百零二磅，瘦了二十三磅的她，上圍卻竟然冇瘦，所以穿起泳衣更加有睇頭。
向來上圍驕人、身材豐滿的王從希近日亦加入纖體行列，成為iSlim代言人。在兩個月內，王從希便由一百二十五磅減到一百零二磅，共減了二十三磅，最神奇是可以瘦身不瘦胸，令上圍更加突出。
肌肉鬆弛
王從希透露以前對自己的身形並不滿意，她狂踩自己說：「我以前身形比較圓，大髀同腰都好粗，又有個肚腩仔，所以成日唔敢着太貼身嘅衫同熱褲，而且塊面又包，影相出嚟唔好睇，加上我唔鍾意做運動，所以肌肉都幾鬆弛，肥腫身形令到我嘅上圍都有下垂感覺，所以我以前只可以着wired-supportbra。」
纖體後的王從希對自己充滿信心，她說：「𠵱家我唔單止塊面尖咗更加上鏡，大髀同腰都變得纖瘦，上圍比以前挺咗，着比堅尼更加好睇，最重要係瘦咗之後，多咗工作機會。」
狂食炸雞
拍攝廣告當日，王從希共拍了十個造型，連續二十二小時拍攝的她完全沒有半點怨言，不過拍攝工作完畢後她覺得很肚餓，一個人吃了一大桶炸雞，食完還一副冇有怕的樣子。王從希對廣告出來的效果亦十分滿意，因為廣告把她的魔鬼身材拍得十分惹火。
