名模琦琦早排成為健康產品「易速纖X」代言人，佢首次着比堅尼拍電視廣告，廣告原本構思喺歐洲拍，但因為琦琦唔捨得同囡囡晴佳分開，所以留喺香港拍。琦琦話：「拍呢個廣告我飲咗唔少鹹水，嗰日朝早凌晨四點開工，出發時天陰陰，好彩正式拍時就出太陽，一日拍晒。」琦琦重獲廣告商送咗一張維也納的來回機票。