前亞視港男參賽者「震波黎明」陳錫文，當年憑酷似黎明的樣貌及震波伎倆而一舉成名。隨着無綫、亞視兩台男士選舉掀起戰幔，震波黎明日前亦出山，以一百二十元D.I.Y扮老翻黎明打魚look，更細說參選港男的喜與悲。
近期無綫、亞視兩台的男士選舉正籌備得如火如荼，七年前憑參加亞視港男競選而一舉成名的「震波黎明」陳錫文，雖然當年名落孫山，然而論代表性及知名度卻不遜於得獎港男。
日前他應本報之邀在將軍澳拍照時，不但赤膊大騷成名震波絕技，而且又扮老翻黎明，模仿對方新碟《長情》的打魚佬造型，相當惹笑。
追求平靜
任職消防員、擁有三十八吋胸肌的震波黎明為扮黎明打魚look，特把雨衣D.I.Y成膠圍裙，再購T恤、袖套及租水鞋，整個look花費約一百二十元。對於這身打扮，他甚感滿意地說：「我覺得黎明個打魚look好自然、好悠閒，有平靜嘅感覺，我都係追求呢樣嘢。」
提到近期兩台爭辦男士選舉，作為過來人的震波黎明即分享心得，他說：「太過注重得失會唔自然，真情流露至表現到男士魅力，行出嚟要大方、有自信、有啲肌肉線條就ok，每個參賽者都應該有過人之處。」問他本身又有何過人之處？他竟說：「係率直嘅儍漢子，好多fans都係咁講我。」
驅走不快
震波黎明六年前在元朗自資開設環保農莊，還印製有其肖像的卡片及貼紙，硬銷自創的休閒減壓營，可惜農場將被收回作私人發展，故下月會正式結束。
震波黎明講及此事即慨歎道：「我開減壓營教啲人行山、玩減壓遊戲同開講座，去幫一啲唔開心嘅人，原因係我之前都唔開心，參加選舉之後，一舉一動都被人睇住。我個人比較單純，咁多人認得我，但我又唔係正式做呢行，當年選只係玩票性質，要承受呢啲壓力，會幾辛苦。」
採訪：朱倬誼 攝影：何國豪
