中記一姐劉瑛琳，掌管九龍住宅部，本身識飲識食，而且又寫得一手好文章，喺中原網頁寫稿之餘，最近重幫雜誌寫埋食經。佢好有個人風格，講飲食心得之外，重同地產拉上關係，係咪「三句不離本行」呢？
佢其中一篇文章講飯後甜品，好難諗到同地產有乜關係？但一姐話，甜品能為一餐豐富嘅飯局，添上完美句號，贏取口碑。就好似賣樓提供售後服務，令買家感到滿意一樣。
例子係跑馬地禮頓山，當年入伙時，因樓市呆滯，業主冇得賺，梗係唔開心，發展商新地於是送甜品—成立專業收樓隊伍，幫助業主收樓，又送上名牌浴室用具等，令買家條氣順晒。
電郵地址：[email protected]