港股大升後繼續造好，恒指收14190，升29點，成交269億元。大市連續兩日成交超越260億元，後市有力升破長方形徘徊區14330的上阻力，向今年新高進發。
今次升市，在一片看淡聲中，由13400升到14200水平，上升800點，淡友逐步退卻，目前只餘下14330的最後防線。其實，一條由今年2月底高位14273伸延的中期下降軌，已於前日升破，且有大成交配合，確認中期調整已完成。港股新升浪開始，恒指下半年有機會上見15500至16000。
兩個多月前，推介聯洲國際（048），當時股價1.84元，其後高見2.025元後出現調整，近日又回到1.80元水平，又出現低吸嘅機會。
聯洲回落幅度較預期為大，原因只有一個，就係受歐元弱勢拖累，情況同思捷環球（330）相似，後者股價亦由60元回到50元才反彈。聯洲主要市場在歐洲，雖然逾半數的營業額同成本開支都係以歐元為主，但公司一直以來都有做好貨幣對沖，聽講歐元下跌對聯洲實際上並無帶來太大影響。
歐元下跌影響有限
聯洲主要業務係設計同全球銷售珠寶首飾、鐘表時計及皮革製品，經銷品牌組合48個，除歐洲外，未來會大力拓展中國、日本同美國市場。
撇除歐元嘅因素，聯洲業務仍然係好好景，在國際同業中，佢嘅PE亦係最低，最吸引。
今年3月，聯洲收購Salamander，係雙贏之局，成績亦立竿見影。聯洲在德國剛舉辦完一年一度的展會，接獲定單增加24%，由於Salamander帶來很多東歐的新買家，預料日後會有更多跟進的定單。
大行看好聯洲，大華繼顯以06年度（5月年結）預期13倍PE計，目標價3.20元。金英最新的報告維持買入評級，指市場就歐元弱勢對聯洲影響反應過度，目前聯洲股價回軟，正係趁低吸入機會，目標價3.32元，即預期升幅逾80%！
國際品牌商的PE由Burberry的16.5倍到Coach的33.5倍，平均為21.9倍，聯洲股價即使升到3.20元，06年PE仍係13倍，重係好吸引。
郭兆誠