許仕仁（圖）就快坐正做政務司司長，八方相信唔少政界官場中人，都會爭住搵呢位新貴食飯，不過，原來一樣有人會「不識抬舉」。
因為每年呢個時候，老許例必自己出錢，請民主黨一班老友食黃油蟹，次次都好鬼開心，不過今年老許榮升司長，民主黨主席李永達同成員張文光反而唔想同老許食，怕閒言閒語喎。
其實八方覺得佢哋過於小心咗啲，所謂君子坦蕩蕩，無事不可對人言，人哋請得你又怕乜去食，最弊係老許到𠵱家都未坐正，又未提出請客，況且今次可能席設白加道維多利亞宮，民主黨使乜咁快拒人於千里？睇吓老許點出招好過。
傳真︰2623-9278
電郵︰[email protected]