貝沙灣喺港島西南角，風水師話，西南望水，行正八運，李澤楷都同蘭西講話風水好。可能賣花讚花香，但買咗首兩期嘅，真係個個轉手都賺到笑。最近市況轉弱，投資者趁勢出貨，有啲以低價成交，但仍賺唔少。 利記顧偉瀚話，二期七座中層C有個近千七呎單位，連車位以一千二百七十萬沽出，每呎只係七千五，比市價低逾一成，更係近期低位。不過，業主○三年九月買入，作價八百一十萬，今次就算平賣，仍賺四百六十萬。唔知呢個投資者，當日有冇問過風水師意見至入市呢？