【本報訊】何兆煒離任醫管局行政總裁，最大感觸的相信是一群沙士康復者及死者家屬。何曾被立法會調查沙士專責委員會批評未有制訂全港性應變計劃，但他並未因此請辭。兒子不幸被沙士奪命的易綺芳直言何「走得太遲」，「佢應該早啲同楊永強一齊走，嗰時楊永強嘅班底已經散晒，再留重有咩意思吖！」有醫生則指何在任六年，是前線醫護士氣最差、最多怨憤的時期。
推行改革一意孤行
「啲無辜巿民好慘，幾年嚟心情都未平復過，佢從來冇慰問過我哋。」易綺芳指何兆煒當年分配工作不力，令前線醫護無所適從，須負上責任。沙士康復者李太及其子則認為何「冇乜貢獻」，「佢根本唔重視我哋，事後又冇為我哋爭取醫療服務，對我哋一啲幫助都冇。」
沙士期間，何兆煒自己亦中招，立法會的報告指事件可能加重醫管局在處理疫症時面對的困難，公共醫療醫生協會副主席佘達明直指何在沙士期間管理失敗，「令到啲保護衣物去唔到前線，各自為政，醫護人員又受感染。」他批評何在九九年開始一意孤行，不理成千醫生靜坐，四度更改新入職醫生的合約，影響前線士氣，即使他今年提出提高前線醫生的增薪點，又推出標準藥物名冊，但為時已晚。
醫學會會長蔡堅及副會長朱建華均認為何兆煒善於執行局長指令，巿民及醫護人員只是不滿政策本身而非何的個人；醫管局前主席梁智鴻表示會尊重何的意願。