劉嘉玲和張天愛昨日到中環出席「傑出行政品牌2005頒獎禮」，擔任頒獎嘉賓。嘉玲穿上黑色Gucci晚裝亮相，十分性感。
家中吃飯賀壽
近日有雜誌指嘉玲在家擺陣斬偉仔的桃花，她昨日說：「你覺得我會唔會？呢行最緊要桃花，點會制止，有擺嘢，但唔係咁意思。」提到好友王菲的懷孕傳聞，嘉玲說：「我唔知，佢冇同我講，我啱啱喺合肥做完廣告宣傳返嚟。」
而下周一是梁朝偉的四十三歲生日，嘉玲表示屆時會一家人齊齊留在家中吃飯慶祝，她說：「我都諗定禮物，但未送，好有心思㗎。」嘉玲又透露與偉仔拍拖多年，現在送禮的價格愈來愈平，她說：「只要留意生活上有乜嘢缺少，當禮物咁送就已經係心意，我試過親手做張卡畀佢。」問到偉仔缺少甚麼？嘉玲說：「佢應該好開心幸福，人生係會有啲嘢想得到，但做人唔可以貪心，最緊要健康開心。」
採訪：駱華齡 攝影：陳慧安