關菊英已有十多年沒推出唱片，稍後她會推出一張與北京中樂團合作的專輯，她表示因為沈殿霞（肥姐）年前邀她演出歌舞劇《麗花皇宮》，令她歌癮大發，所以決定重返樂壇。
闊別香港樂壇十多年的關菊英，今年重返樂壇推出唱片。自十多年前移民加拿大後，關菊英過着夢寐以求的平凡退休生活，閒時做運動、游水、與好友敍舊和做義工等，生活過得十分寫意，但一次的偶然際遇，卻帶領她重返樂壇。
日前關菊英在九龍城接受訪問時說：「移民加拿大後，雖然冇話過退出，但亦冇諗住再唱，不過○二年尾，肥姐好有誠意搵我做《麗花皇宮》，見番陳潔靈同葉麗儀等舊朋友，一做又做成五十幾場，真係好開心，加上反應又好好，令我有心癮想再次推出唱片。」
與北京中樂團合作
由於近年翻版猖獗，所以唱片業和電影業都面對着一條十分艱辛的前路，關菊英亦深明此景，但她慶幸有唱片公司此時為她製作唱片，關菊英說：「每一個歌手都想出唱片，呢個時候有老闆肯出資金，畀我製作一張咁高水準嘅唱片，所以我要多謝丘亞葵，因為佢唔係從商業方面考慮，佢畀我同北京中樂團合作，喺北京錄音，我會重唱《送君》同《郎如春日風》兩首國語歌，歌曲澎湃，我聽完錄音都好鍾意。」
自與黎小田離婚後，關菊英鮮有傳出戀聞，問她多年來可再遇惜花人？她笑說：「我都有拍拖，但冇結果啫，因為做呢行一拍拖就會冇心機做嘢，可能因為之前散咗，我先會冇後顧之憂返香港做《麗花皇宮》，感情事我經歷過，亦深明勉強冇幸福，反而覺得現階段做自己鍾意做嘅事比較重要。」
採訪：馮美茵 攝影：何國豪
場地提供：香港茶藝中心
